“HINDI ko alam kung utak talaga ang pinaiiral mo sa ginagawa mong pag-iwas. Imposible namang wala lang sa’yo ang lahat ng ginagawa ni Cayel. At imposible na wala ka man lang nararamdaman para sa sarili mong asawa,” dire-direchong sermon ni Pony kay Darrina nang magkita sila. Imbes kasi na sa mansion ay sa bahay ng kaibigan siya nagpahatid kay Lucas na inatasan ni Cayel na sumundo sa kaniya.
“Pony, sa lahat ng mga taong malalapit sa amin, ikaw lang ang nakakaalam nang totoo. Hindi kami totoong mag-asawa. Kasunduan lang ang lahat sa pagitan namin. Whatever feelings I have for him is not important. Mahirap kung bibigyan ko pa ng pansin ang mga nararamdaman ko. Baka lalong mabuhay…” Binitiwan niya ang tinidor at itinulak na ang platito ng cake.
“Pero gusto ka ni Cayel. At sigurado akong g
