DUMAAN muna si Darrina sa kanila upang kumustahin ang pamilya. Magiliw na kinain niya ang inihain ng kaniyang Ina at sandaling nakipagkwentuhan sa kaniyang Ama. Kinumusta din niya ang pag-aaral ng dalawang kapatid na nasa high school.
Nangibabaw na muli ang lungkot pagsapit niya sa mansion. Sinalubong siya ng ngiti ng mga kasambahay na walang kamalay-malay sa suliraning dala-dala niya. Sinabi niya kay Nanay Selya na nakakain na siya sa kanila at magpapahinga na siya at nakaunawa naman agad ito. Kaya dumiretso na siya sa hagdan patungo sa kwarto.
Pakiramdam niya ay mag-isa siya sa buhay habang pumapasok ng silid. Ang laki ng mundong ginagalawan niya subalit wala naman siyang kasama. Nami-miss niya ang asawa. Hindi niya alam kung paano sila nito magkakaayos. Pakiramdam niya ay siya lang ta
