HAPON pa lang ay dumating na sina Freja at Astrid para tulungan si Angela na magluto. May dalang ale at sauteed reindeer ang mga ito para idagdag sa pagsasaluhan nila. Lagi silang ganoon sa Tussarii kapag may handaan o kasiyahan. Nagtutulungan.
"Susunod na raw ang mga asawa namin at tutulungan pa nila si Kharkoo na alamin kung moose o wolf ba ang umatake sa mga alagang reindeer nila," sabi ni Astrid habang nagluluto sila. Ang mga anak ng mga ito ay nasa bakuran at naglalaro.
Gulat na napalingon dito si Angela. "Bakit? Ano ang nangyari sa mga alaga nila Kharkoo?" kaibigan din nila ang tinutukoy niya.
"Paggising daw nila kaninang umaga ay tatlong reindeer na alaga nila ang natagpuang patay at parang nilapa ng mabangis na hayop." Si Freja ang sumagot habang naghihiwa ng mga sangkap. "Pi
