Shantal Mia
Kumakabog ng husto ang dibdib ko habang pumapasok na kami sa loob ng mansion. Wala naman kaming inabutan doong iba kundi ang mga kasambahay na naglilinis.
"N-Nasaan kaya sila, ate Tinay?" kinakabahan kong tanong sa kanya habang lumilinga sa buong paligid.
Ngunit naririnig ko ang tinig ni tita Gemma na parang may pinagagalitan sa hindi ko alam kung saang lugar dahil may kalayuan ang tinig niya at hindi ko rin gaanong maintindihan ang mga sinasabi niya.
"I'm a woman too and I know the feeling! Anak, hindi kita pinalaki para lang maging ganyan."
Napakagat-labi ako nang maulinigan ko ang sinabing iyon ni tita Gemma. Naalala ko ang sinabi niya noong nakaraan lang na may kasalanan daw sa kanya ang bunso niyang anak. Ano naman kaya iyon?
"Nasa likod-bahay sila, ate Tinay. Pinaga
