Kaagad na sinundan ni Damon ang kaniyang mommy Karisa sa kusina para kausapin ito.
Nadatnan niya ito na nag-uutos sa kaniyang mga kasambahay. Si Manang Vina ay inutusan nito na asikasuhin ang mga bisita habang ang dalawa pa niyang maid ay abala sa paghuhugas ng mga plato.
"Mom..."
Napalingon ang mommy niya sa kaniya. Tiningnan niya ang kaniyang kasambahay na naiwan sa kusina. Sinenyasan niya ito na iwan muna sila. "Puwede bang iwan niyo muna kami?" utos niya sa dalawang maid na hindi pa tapos maghugas ng mga plato.
Kaagad rin naman lumabas ang kanilang maid kaya naman silang dalawa na lang ang naiwan sa loob ng kusina.
"Oh? Damon, bakit nandito ka? Iniwan mo naman ang mga bisita mo."
"Mom, we need to talk." he said without hesitation.
Natigilan ito at napatitig sa kaniya. Tila
