“Sure kang okay ka na?” nag-aalalang tanong ni Jarra nang pinahiga niya si Vaughn sa kama. Tipid na ngumiti lang ito sa kanya at saka tumango. Bumuntong-hininga siya at saka tumango rito.
Inayos niya ang comforter nito at saka siya umalis ng kama.
“Hey, you’re going home?” paos na tanong nito. Huminga siya nang malalim at saka ito binalingan.
“Paano naman ako aalis kung nasa ganyang kalagayan ka,” sabi niya pa at saka umikot sa kabilang side ng kama. Umupo siya roon at hinaplos ang buhok nito. “Tatawagan ko lang si Talia para sabihing hindi na muna ako roon. Tsaka lalabhan ko uniform ko.” Ngumuso siya.
Bumuntong-hininga si Vaughn at saka tipid na ngumiti sa kanya. “Thank you, love.”
Hinalikan niya lang ito sa noo. “Lalaba lang ako. Pahinga ka na,” aniya pa rito at umalis na ng kam
