Kabanata 24
"Napag-utusan lang po kumuha ng panggatong!" sabi ko pa at napatakbo papasok sa loob bitbit ang sandamakmak na kahoy.
"Diyos ko Jeorgie! Aanhin mo ang mga iyan?" gulat pang sambit ng inay Lucinda, samantalang panay naman ang pagtawa ni Ericka sa akin. Napangiwi ako at agad na inilagay ang mga kahoy na dala ko sa ilalim ng lutuan.
"Pasensiya na inay, nataranta lang po ako. Pinalo ko kasi ng kahoy ang señorito, walang epekto!" Ibig ko na yatang ngumawa. Tawa naman nang tawa si Ericka.
"Aba'y talagang 'di iyan tatalab Jeorgie," wika pa ng inay at napatawa na rin. Napanguso naman ako at napailing ng aking ulo sa ginawa kong katangahan.
"Walang panama iyang kahoy mo ate. Nabagsakan nga iyan ng bahay e," ani Ericka. Napanganga naman ako sa narinig ko.
"Anong nangyari?" usisa
