Kabanata 32
"Jeorgie," utas nito.
"Beth!?" gulat kong sambit. Bago pa man ako makalapit ay bigla na lamang may humila sa akin.
"Zairan," wika ko nang mapagtanto kong siya pala ang humila sa akin.
"Bakit?" Binasa ko ang aking labi at napalunok pa ako.
"N-nakita ko si Beth. Nandoon siya," sagot ko at itinuro pa ang puwesto nito kanina pero ganoon na lang ang aking pagtataka dahil wala na ito roon.
"Guni-guni mo lamang," aniya. Bumaling ako sa kanya.
"Hindi ako nagsisinungaling mahal ko. Nakita ko talaga siya." Niyakap naman niya ako.
"Umuwi na tayo," anito at hinila na ako palapit sa kabayo namin. Nakagat ko ang aking labi. Gusto ko pa sanang makipagtalo pero ano nga ba ang saysay? Ayaw niya itong pag-usapan at marahil guni-guni ko lamang siguro iyon. Ayaw kong magalit ulit si
