Kabanata 22
"Ericka!" gulat kong sambit at napatingin sa ibaba ng hagdan.
Nakatayo lang ang señorita Shaurine habang iginagalaw nito ang kanyang leeg. Nanlilisik sa galit ang mga mata nito habang papaakyat ito sa hagdan. Agad kong itinago si Ericka sa aking likuran.
"Bantayan mo ang batang 'yan at baka 'di na siya sikatan ng araw!" banta nito saka tuluyan kaming tinalikuran. Naigting lang ang panga ko. Mas lalo akong nakaramdam ng paninibugho sa aking dibdib. Paano ko pala ito lalabanan kung isa rin siyang halang sa dugo ng isang tao. Napapikit ako ng mariin at bumaling kay Ericka.
"Bakit mo ginawa 'yon!? Gusto mo bang mapahamak!?" nagpipigil sa galit kong wika sa kanya.
"Patawad po," aniya.
"Huwag na huwag mo na uulitin iyon Ericka," bilin ko.
Tango lang ang tanging sagot niya
