Matapos niyang sabihin na maglalaro raw kami ay hinubad niya ang suot niya itim na balabal. Doon ko lang nakita ang suot niya sa loob dahil buong paglalakbay namin ay isa siyang malaking ibon at kapag nag-anyong-tao naman ay natatakpan. Ganoon din si Sadie kaya nakagugulat na kakaibang-kakaiba ang nakapaloob na kasuotan sa balabal niya gayong ang mga damit ng mga tao sa mundong ito ay hindi naman kasing moderno ng kaniyang nasa katawan ngayon.
Bigla tuloy sumagi sa isip ko na baka nakarating na rin siya sa mundong pinanggalingan ko para ma-adapt ang klase ng pananamit doon. Nakasuot kasi siya ng itim na pantalon at naka-boats na itim na below-the-knee ang taas, tig-apat na malalaking straps ang nasa gilid ng parehong boats na iyon na leather. Ang pang-itaas naman ay hapit na damit na kul
