Sinundan ng tingin ni Brianna ang bawat hakbang ni Alejandro hanggang sa makarating ito sa unahang parte ng silid na kinaroroonan nila. Nasa likuran pa nito ang isang lalaki na pamilyar din sa kanya, si Lemuel. Hindi mahirap hulaan na hanggang sa ngayon, lumipas man ang ilang taon, ay ang binata pa rin ang kanang-kamay ni Alejandro.
Huminto sa paglalakad ang kanyang asawa at tumayo sa mismong tabi ni Mr. Villarica. Seryoso itong humarap sa kanila sabay gala ng paningin sa kanilang lahat.
Halos makaramdam pa ng panlalamig si Brianna nang huminto ang mga mata ni Alejandro sa kanya. Their eyes met and for whatever reason, Brianna saw how his emotion switched from seriousness to... gentleness.
Maaaring hindi nahalata ng karamihan. Abala na ang mga ito sa kanya-kanyang mga bulungan. Pero si
