Naawat ang akmang pagsalin ni Alejandro ng alak sa kanyang kopita nang makita niyang naglalakad palapit sa kanya si Lemuel. Tinitigan niya pa muna ito at nang tumayo sa kanyang tabi ang kanyang tauhan ay itinuloy niya pa muna ang kanyang ginagawa bago nang-usisa.
"Kamusta ang lakad mo?" tanong niya habang sa alak nakatutok ang mga mata.
Isinara niya ang bote ng mamahaling red wine saka kinuha ang kopita. Dinala niya iyon sa kanyang bibig at sumisimsim na ng inumin nang marinig niya ang tugon ni Lemuel.
"Malinis na, sir. Siniguro ko rin na walang makikitang ebidensiya."
Dahil sa mga narinig, ang pagsimsim na ginagawa niya ay nauwi sa paglagok. Inisang inuman niya ang alak na nasa kopita. Agad pang gumuhit ang init niyon sa kanyang lalamunan ngunit hindi na niya inalintana pa.
Marahas n
