MULA sa dimensyon ng mga Mutants ay makikita ngang nakahiga pa rin si Lior sa loob ng kanyang silid. Pakiramdam niya ay hindi basta-basta tinanggap ng kanyang katawan ang dugo ni Saber na inihalo niya sa kanya. Ang kalangitan nga sa lugar na iyon ay isang buong araw nang nagdidilim na tila ba may malakas na ulan ang papatak. Ito ay dala ng inis ni Lior sa nangyari sa kanya. Hindi pa rin siya makakilos nang maayos at pakiramdam niya ay may mali sa kanyang ginawa.
“Nararamdaman kong lumakas ako… Pero kung ganito naman ang mangyayari sa katawan ko ay parang mawawalan naman ito ng silbi. Ano ba ang kailangan ko? Bagong katawan ba? O kailangan ko pa ng mas magandang pagsasaliksik?” tanong ni Lior sa kanyang sarili habang nakahiga.
Alam na rin nga ng lahat ng mga Mutants ang kanilang ginawa at
