DAHIL nga sa itinuring siyang bagong pinuno ng mga nagsasalitang hayop ay naisipan na rin ni Saber na gamitin ang pagkakataong ito para madala si Sandra sa isang maayos na higaan. Agad nga siyang sinamahan ng mga iyon sa bahay raw ni Leon at napaseryoso si Saber nang makita ang loob ng kubo nito. Napakalinis at napakaayos ng mga kagamitan dito. Nangingintab din ang bawat bagay na makikita rito na parang ayaw niyang paniwalaan.
“Hindi po kasi niya ito ginagamit hangga’t hindi siya nakakahanap ng mapapangasawa,” sabi pa ng isang nagsasalitang usa, na isang babae. Palagi rin daw itong pinapalinis ni Leon kaya napanatiling ganito ito kaayos. Pagpasok nga ni Saber sa kwarto nito ay tumambad sa kanya ang puting-puti na kama na may malambot na kutson. May kulambo pa ito sa itaas at napapaisip ng
