LA PEGRESE (Tirahan ng mga Oogster na nasa ilalim ng lupa)
HINN
Nang makarating ako sa kinaroroonan ng secret portal naming mga Black Kampflens o demons kung sa salita ng mga mortal, papunta rito sa mundo nila, mabilis kong nilisan ang katawan ng aking Vaciello-mga piling tao na ipinanganak lang para maging pansamantalang tirahan ng mga matataas na anghel kapag may mahalagang misyon sila dito sa lupa. Dati ang mga Vaciello ay para lang sa mga anghel. Pero nagawa naming agawin ang ilan sa kanila.
Hindi nagtagal ay bumalik ako sa pagiging maitim na usok. Ito ang totoo naming anyo bilang mga alagad ni Lucifer. Noong mga anghel pa raw ang lahi namin ay makikintab na liwanag ang hitsura namin. Pero nang parusahan ni Ama ang lahi namin dahil sa pagtatraidor namin sa Langit, mula sa pagiging
