ZEPHYR
Nakaramdam ako ng pagkadismaya nang wala akong makuhang sagot mula kay Father Florencio nang tanungin ko siya kung nasaan si Rhian. Pansamantala akong nagkatawang tao para makausap siya. At nagpanggap akong high school friend ni Rhia na gusto lang siyang kamustahin.
Pero ramdam ko ang pagdududa sa akin ni Florencio. Alam niyang hindi ordinaryong tao ang kaharap niya. Kitang-kita ko iyon sa mukha at mga mata ng pari.
Kaya alam kong hindi siya normal na tao. For sure, isa siya sa mga sinasabi ni Chancien Gandalf na Paranormal Expert.
"'Buti naman nakalayo na tayo sa simbahan. Malapit na akong masunog," pagrereklamo ni Magus habang binabasa ng tubih na mula sa fountain, ang katawan nitong nainitan nang lumapit kami kanina sa simbahan. "Mukhang wala na talagang pag-asa para makabali
