RHIAN
"Now, you know, kung bakit ka iniiwasan ni Ehran?" sabi sa akin ni Suzaine, pagkatapos ng mahaba-habang rebelasyon. Halos sabay naming pinupunasan ni Suzaine ang mga luha namin. Ang Mommy naman niyang si Supreme Anna ay tahimik lang sa isang tabi, pero bakas din ang tuyong mga luha sa mga mata niya. "Ikaw ang babaeng sinasabi ko noon na childhood crush ni Ehran, fem. Ikaw ang babaeng gustong-gusto niya. Ikaw ang bata pa lang ay gusto na niyang ligawan at maging girlfriend. Kaso, nang dahil sa pagkabulag niya kaya naduwag siya. Natakot si Ehran, fem, na baka hindi mo siya magustuhan dahil may kapansanan na siya. Natakot siyang baka hindi mo siya tanggapin."
Ang kaninang mga luha ko na natutuyo na sana ay muling nanariwa nang marinig ko ang sinabi ni Suzaine. "Bakit naman siya madudu
