RHIAN
Kahit masama ang loob ko dahil kay Ehran, pinilit ko pa ring sumaya nang dumating na sina Suzaine at Matet. Hindi ko na ikinuwento sa kanila ang nangyari sa amin, kahit pa kay Matet. Kilala ko kasi ang best friend ko. Kahit sino pa 'yang umaway sa'kin, aawayin din niya.
"Fem, nandito ka na pala kanina nang mangyari 'yon kay Katie?" tanong sa akin ni Suzaine. Naunahan niya ako sa balak na pagkukuwento ko tungkol kay Katie. Bakas sa mukha ni Suzaine ang totoong pag-alala kay Katie. "Tinawagan ako ni Cattleya habang nasa biyahe pa ako."
"Oo, fem. Napaaga kasi ang pasok ko. Nagdala kasi ako ng car. Akala ko mata-traffic ako kaya nag-adjust ako ng oras," paliwanag ko. I took a deep breath muna bago nagpatuloy sa pagkukuwento. Baka kasi madulas ako at masabi ko ang nangyari sa amin ni
