RHIAN
Nanlaki ang mga mata ko nang makitang nagsimula na lang maglaban ang panig ng kabutihan at kasamaan. Bawat grupo ay may kaniya-kaniyang husay at galing. Walang gustong magpatalo. Pero kung sakaling walang mga anghel na bumaba pala sa langit, talong-talong pala sina Ehran. Sobrang lakas pala ng mga Black Kampflens. At doon pa lang ay kinabahan na ako, hindi para sa sarili ko kundi para sa mga kasamahan at lalong para kay Ehran.
Mayamaya'y napasigaw ako nang makita kong bigla na lang bumagsak sa lupa si Maya at nangingisay. "Maya! Maya!"
Dahil medyo malayo sa'kin ang kaibigan ko kaya napilitan akong takbuhin ang pagitan namin pilit na iniiwasan ang mga naglalabanan. Sinubukan akong pigilan ni Professor Santillano, na napag-alaman kong totoo ngang si Queen Mecca. Pero hindi ako nagpa
