RHIAN
"Totoong pinapamahayan ng demonyo ang mundong ibabaw," pagkukuwento rin ni Father Florencio matapos kong ikuwento sa kanilang lahat ang tungkol sa mga nakita ko noon sa Greenwood University. At ngayon ay pupuntahan namin si Maya para hilingin ang tulong nito na pagalingin si Katie. Mabuti na lang at kasama sa naikuwento sa'kin noon ni Maya ang tirahan nila. "Kung nasaan ang kasamaan ay nandoon din ang mga kampon ni Lucifer. Kasama silang namumuhay nating mga tao para tuksuhin tayong maniwala kay Satanas kaysa ang manalig sa Diyos."
"Pero anong klaseng nilalang po iyong parang kapre na kinalaban ng sinasabi n'yong demonyo?" naguguluhan kong tanong. "Araw-araw ko ho siyang nakikita sa campus. At base sa obserbasyon ko, mabait siyang nilalang. Hindi siya nananakit o sumisira ng nature
