Austeja
Nang makarinig ako ng sunod-sunod na paghinto ng mga sasakyan sa labas ay mabilis akong tumayo mula sa pagkakaupo sa kama para lumapit sa bintana.
Hinawi ko ang kurtina para silipin kung sino-sino ang mga iyon. At nang makita ko ang pagbaba ng isang lalaking naka-green scrubs na may kulay ang buhok mula sa sasakyan, bahagyang gumaan ang pakiramdam ko.
Pero mukhang hindi lang siya ang nagpunta rito dahil sabay-sabay na bumaba ang mga taong lulan ng dalawa pang sasakyan. Nasa walo sila—kabilang ang dalawang babae na halatang hindi mo gugustuhing pikunin.
Nagsilapitan ang mga 'yon kay Adin na mukhang may inuutos sa mga kasamahan niya, at pagkatapos ay nauna na siyang naglakad palapit dito sa bahay.
Hindi ko na matandaan kung nai-lock ko ba ang pintuan kanina o hindi, ngunit natat
