ARNIE
MABILIS na lumipas ang panahon sa buhay nila ni Tiffany bilang magkasintahan. At ngayon nga ay mag-da-dalawang taon na ang kanilang relasyon ngunit walang nagbago sa nararamdaman niya para rito. Bawat araw na dumaraan ay lalo niya itong minamahal habang paganda ito ng paganda sa kanyang paningin. At kagaya noong nagsisimula pa lamang ang kanilang relasyon, sinisiguro niya na hindi siya nawawalan ng oras para rito kahit pa madalas ay busy siya sa trabaho.
Natuloy ang pagkakaroon ng extension ng kompanya niya sa Coron kaya nadadalas ang pagpunta niya roon. May mga pinagkakatiwalaan siyang tao pero hindi pa rin maiiwasang lumipad siya roon para sa mga importanteng bagay na kailangan niyang daluhan bilang Presidente ng kompanya. Kung minsan ay inaabot siya ng tatlong linggo hanggang i
