Luhaan siya habang pabalik sa pinanggalingan. Nagpasya siyang umakyat na sa hotel para makapagpahinga. Nadaanan niya ang Nipa Hut kung saan naroon pa rin ang lahat ng iniwanan niya kanina. Kitang-kita niya ang tawanan nina Arnie at Anna. Masakit para sa kanya na makitang masaya ang kasintahan sa dating asawa.
Sa kwarto ng mga magulang siya dumiretso pagkagaling sa kwarto nila ni Arnie para kumuha ng ilang gamit. Dalawang katok ang ginawa niya bago buksan ng kanyang Papa ang pinto. Nagtatanong ang mga mata nito nang bumungad sa kanya.
"Anak, bakit? May kailangan ka ba?" tanong nito.
"Pa, can I sleep here? Dito na lang po ako." Kumunot ang noo nito dahil sa sinabi niya saka sinipat ang kanyang mukha.
"O-oo naman, anak. Teka, umiiyak ka ba? Ay halika nga sa loob at sa loob tayo mag-us
