"IKAW pala ang palaging naikukwento nitong gwapo kong pamangkin, hija," nakangiting sabi ni Mrs. Madrigal na pinaglilipat-lipat ang tingin sa kanila ng binata. Hindi siya nakapagsalita. May pagtataka ang mukha na napatitig siya sa Donya.
"Alam namin ang iniisip mo, hija. Hayaan mong itong nobyo mo ang magpaliwanag sa iyo," ani Don Rodrigo saka binigyan ng isang tapik sa balikat ang binata.
"Maiwan na namin kayo para makapag-usap kayong mabuti, ha? Pero bago ang lahat, gusto kitang pasalamatan sa pagtulong mo sa amin tonight, hija. You really did a great job. Maswerte sa 'yo itong pamangkin ko," sabi ni Donya Veronica saka bumeso sa kanya.
"My pleasure po, Tita and Tito. Maraming salamat din po sa tiwala ninyo sa akin." Ginagap niya ang palad ni Mrs. Madrigal habang maluha-luhang nagpap
