TIFFANY
SUMAPIT ang araw ng kasal at ang lahat ay masaya para kina Zach at Anna. Kinapa niya ang sarili kung anong mararamdaman niya pero nakakatuwa dahil talagang masaya siya para sa dalawa. Kahit kaunti ay wala siyang makapang hindi magandang damdamin sa dibdib.
Kumpleto ang buong pamilya niya at ni Zach na naroon. Tanggap na rin ng pamilya nito kung ano ang nangyari sa kanilang dalawa at gaya niya ay masaya ang mga ito para sa dati niyang asawa.
Alas-otso ng umaga ay abala na ang lahat para sa pang-alas diyes na kasal. Kanina ay sinabi ni Anna na may make up artist na mag-a-ayos sa kanilang lahat mas gusto niyang siya na lamang ang mag-ayos sa sarili.
"Joy, ikaw na lang ang magpaayos, ha? Ako na lang ang mag-a-ayos sa sarili ko," aniya sa kapatid habang tinutuyo ang basa pa niyan
