SA BAHAY nila ang itinakdang meeting place ng lahat sa araw ng outing nilang iyon. Alas singko ng umaga ang alis nila pero alas kwatro pa lamang ay nasa bahay na nila si Arnie para tulungan silang ihanda ang iba pang kailangan. Eksakto sa oras naman nang dumating ang mag-asawang Zach at Anna.
"Hello, everybody! Good morning!" Bati ni Zach habang pumapasok sa kabahayan.
"Hi, guys! Tamang-tama lang ang dating ninyo. Ready na kami," aniya saka bumeso sa mga ito.
"Sis, I can say na lalo kang blooming ngayon," tudyo ni Anna nang magbeso sila.
"Let's just say, bumalik na 'yung TOTGA ko, sis," nakangiti niyang bulong dito.
"Happy for you, sis. Ang tagal naming naghintay na makita ulit ang aura mong 'yan," nakangiti rin si Anna. Sino'ng mag-aakala na magiging ganito sila ka-close ngayon.
