Kabanata 53
Halos maubusan ako ng hangin nang siilin ako ng halik ni Caden. Ramdam ko ang diin ng bawat galaw ng mga labi niya, at wala akong ibang nagawa kundi tanggapin ang bawat hagod ng mga ito lalo na’t hawak-hawak ng isang kamay niya ang aking pisngi. Nalasahan ko pa ang alak sa kanyang bibig na siyang mas nagpalasing sa aking pakiramdam.
Maya-maya pa ay bumaba ang kanyang kamay sa aking balikat pababa sa aking braso, dahilan para manginig ang aking katawan dahil sa nakakapasong sensasyong dala nito. Mula sa aking braso ay naglandas ang kamay niya sa aking baywang na tila ba’y dinadama ang kurba nito.
Sa pagtigil ng halik niya ay doon ko lang napansin na kanina pa pigil ang aking paghinga. Walang nagsalita sa aming dalawa. Tanging mabibigat naming paghinga at awit ng mga kuliglig
