Kabanata 42
“Tara na bago pa man tuluyang tumirik ang araw,” sambit ni Mang Ernesto bago pinatakbo ang kabayo niya.
“Laleng! I’ll make sure sa akin ka sasakay mamaya!” malakas na sigaw ni Hayden sa akin habang kapit na kapit siya kay Mang Ernesto dahil nagsisimula nang bumilis ang takbo ng kabayong sinasakyan nila.
“Hold tight,” sambit ni Caden sa akin bago niya hinawakan ang mga kamay ko at dinala sa kanyang tiyan. “Kung ayaw mong malaglag, humawak ka,” matigas niyang sabi nang sinubukan kong alisin ang mga kamay ko. Naiilang kasi ako dahil para akong yumayakap sa kanya. “Lalaine…” matigas niyang sabi bago niya idiniin ang mga braso ko sa tiyan niya. “I said, hold tight.”
“O-Okay po,” sagot ko at wala nang nagawa kundi ang ilingkis ang dalawang kamay ko sa tiyan niya. Damang-dama ko a
