Kabanata 31
"Senyorito, sigurado ka ba talaga na sasakay ka ulit diyan?" tanong ko kay Hayden nang magdesisyon siyang mag-practice ulit kung paano sumakay ng kabayo.
"Yes," desidido niyang sagot.
Kani-kanina lang ay todo sumpa siya sa kabayo nang makita niya, pero nang magyabang ang kambal niya na marunong na itong sumakay ng kabayo, ay aba nawala ang inis niya at gusto niya na ring matuto. Para talagang hindi siya napahamak sa pagiging padalos-dalos niya, eh.
"Mang Ernesto, pakigabayan na lang po nang maayos at baka mapilay ulit," sabi ko na lang at napailing bago binalingan si Caden kasama ang ibang trabahador. May karga-karga siyang isang malaking basket na puno ng mga kape. Nangingintab ang katawan niya sa ilalim ng tirik na tirik na araw. Hinubad niya kasi ang damit at sweatshirt
