Kabanata 60
“Let me do the dishes,” sambit sa akin ni Caden nang lapitan niya ako sa may lababo. Naroon pa rin ang tila walang emosyon niyang tono, pero mababakas na sa mga mata niyang kahit papaano ay nagbago na ang pakikitungo niya sa akin.
Isang linggo na ang nakakalipas mula nang gabing ‘yon, at simula no’n ay unti-unting nagbago ang pakikitungo niya sa akin. Hindi na niya ako palaging sinusungitan. May mga pagkakataon pa ring nagsusungit siya pero iniintindi ko na lang dahil nakikita ko naman ang pagbabago sa ugali niya, lalo na sa akin. At kahit hindi man niya sabihin, ay pansin kong pilit niyang pinapagaan ang mga trabaho ko rito sa bahay.
Pagkauwi nila galing sa trabaho ay nagtatanong agad siya sa akin kung ano pa ang mga hindi ko nagagawa, pagkatapos ay pilit niya akong tinut
