Kabanata 49
“S-Senyorito, hindi po magandang biro ‘yan,” sabi ko sa kanya bago ako bahagyang lumayo. “Kailanman ay hindi magandang biro ang paglaruan ang nararamdaman ng isang tao,” dagdag ko.
“Pero hindi nagbibiro, Laleng. Gusto kita,” giit niya sa akin bago siya umusog para muli kaming magkalapit.
Umiling ako. “Sa tingin n’yo po ba maniniwala ako sa inyo?” prangkang tugon ko bago ako tumayo. “Kaya po ba binilhan n’yo ako ng mga gamit para mapaniwala ako sa sasabihin n’yo?” Hindi ko na napigilan ang pagtaas ng boses ko.
“Laleng, it’s not like that. Labas ‘yan sa intensyon ko,” depensa niya sa sarili niya bago niya sinubukang abutin ang kamay ko pero mabilis ko itong iniwas. “Look, seryoso ako, Laleng. Gusto kita.”
“Hindi ako naniniwala,” dismayadong sabi ko bago ako mapait na ngumi
