Selena really felt bad for Tony. She wanted to be fair with him, pero hindi niya alam kung tama ba ang naisip niya na makipag-hiwalay na lang dito. Gulong gulo siya sa mga pangyayari. Nang makauwi na sa bahay si Selena, naabutan niya na gising pa ang lola niya.
“La, gising pa pala kayo, gabi na po ah.”
“Hinintay kita, hindi din ako makatulog. Kumusta ang lakad mo sa Maria’s Foundation?”
Naupo si Selena sa may kainan at lambot na lambot na napatingin kay Lola Fely.
“La, may problema po ako.”
“Oh, ano yun apo? May nangyari bang masama? May masakit ba sa ‘yo?”
“La, huwag po kayong magagalit sa akin.”
“Ano ba ang dapat kong ikagalit?”
“La, nakita ko po si Zeke. Hindi ako nakaiwas sa kanya. At naramdaman ko po na mahal na mahal ko pa din siya. Hindi ko din po maipaliwanag, La, p
