“WHAT?” takang-tanong sa akin ni Annie na bahagyang pinalaki ang mga mata.
Nakangiting umiling ako at iginala sandali ang tingin sa paligid. Kararating lang namin sa venue ng charity event na ‘yon at marami-rami na rin ang mga bisita.
Ibinalik ko ang tingin ko kay Annie. Kagaya ko ay may hawak rin siyang wine glass. Nakatayo kami pareho sa harap ng bilog na mesa. Kanina ay may mga lumapit na sa akin na ilang executives ng ibang kompaniya. Ipinakilala ko muna ang kasama ko pero, sandali ko lang sila nakausap.
Everyone seemed busy roaming around the party and talking to people. But not me. Mas gusto kong narito sa tabi ni Annie at pinonood ang bawat pagkurap ng mga mata niya at ang bawat pagbubuntung-hininga.
Nilingon niya ako at bahagyang tinaasan ng kilay. “What?” tanong ulit niya.
