TATLONG araw pagkatapos kong komprontahin si Daniel ay wala pa ring balita mula rito. Hindi ko alam kung nagbago ba ang isip niya o magmamatigas pa rin. Kahapon ay nakausap ko si Papa sa phone at sinabi nitong umiiwas makipag-usap sa kaniya ang mag-asawang Mendoza. Dahil dito ay kinonsulta na namin ni Jeff ang abogado nito para masimulan ang proceedings sa paglilipat ng pangalan ng anak ko. Isang linggo mula ngayon ay isasagawa ang unang hearing.
Suot ang isolation gown, disposable gloves at face mask ay pinagmasdan ko ang natutulog na Papa ni Jeff. Taimtim ang panalangin ko araw-araw na magising na ito para naman mapayapa na ang kalooban ng anak niya.
“I am excited to meet you, Senyor Jeremias. Ang sabi ni Jeff sa akin ay manipulador kayo pero, sa tingin ko ay tama ang mga ginawa ninyo
