“UMUWI ka rin sa wakas!” bungad sa akin ni Daniel nang madatnan ko siyang nakaupo sa labas ng pinto ng aking unit. Nagsalubong ang mga kilay niya bago dahan-dahang tumayo.
“Where have you been all night, Annie? At bakit ganiyan ang suot mo?” tanong at puna niya sa gown ko.
Hindi ko siya agad sinagot. Itinuloy ko muna ang pag-akyat sa hagdan hanggang sa magkaharap kaming dalawa.
“May… party akong dinaluhan. I slept over in a friend’s house.” Kinuha ko sa bag ko ang susi ng aking unit.
“But you look tired. Anong party ba ang pinuntahan mo? Kaninong kaibigan ka nakitulog? Wala ka namang ibang kaibigan kundi si Lulu. Nagkausap na ba ulit kayo?”
Nahinto ako sa pagbubukas ng pinto. Hinarap ko si Daniel.
“Parang ang dami mo yatang tanong ngayon, Daniel?” kunot-noong sabi ko.
“Inaalam ko
