“Totoo ba ang narinig ko Mayumi hindi ka ba talaga nagbibiro, g-gusto mo na m-makasama ako dito sa tinitirhan mo at makasama kayo ng aking anak?” Tila hindi pa rin makapaniwalang tanong ni Miguel sa kanya.
Sa totoo lang kahit siya ay hindi makapaniwala sa katagang mga banggit niya dito. Hindi rin niya inaasahan na iyon ang mamumutawi sa kanyang labi habang hinihintay nito kung ano ang sagot niya.
Sa isip niya ay hindi niya mapapahintulutan na sumama ulit dito, na maging okay ulit sila dahil nga sobra siyang nadala sa mga nangyari dati.
Hindi kasi mawala-wala sa kanya iyong takot na maulit lang lahat pero mukhang ipinagkanulo siya ng kanyang totoong nararamdaman.
Kanina inilayo niya dito si Migumi. Sabagay kahit hindi naman niya ipaliwanag dito kung sino ang bata ay matutuklasan aga
