Napangisi si Haydee nang makita niyang sumakay si Isel sa taxi. Sabi na nga ba niya at tama ang hinala niya na nagsisinungaling ito sa kanya; na nakita talaga nito ang mukha ni Mr. Hired Killer, ayaw lang aminin.
Kumilos na siya, susundan niya ang dalaga!
Pinara rin niya ang taxing parating. Subalit bigla-bigla ay pumutok ang gulong ng taxi. Gulat na gulat siya na pasakay pa lang sana. Gayundin ang taxi driver.
Napakunot-noo siya na tumingin sa gulong at nakita niyang may kutsilyong nakatarak doon. Naningkit ang mga mata niya at mabilisang hinugot iyon para hindi magduda ang taxi driver. Tinago niya ang maliit na kutsilyo sa kanyang likod at luminga-linga sa paligid. Alam niya agad na kagagawan iyon ni Mr. Hired Killer. Sino pa ba?
Then she grinned evilly. Ito ang matagal niyang hinihi
