MAGKAKASUNOD na sampal ang inabot ni Lady Carla, mula kay Lady Beast. Habang sila ay nakatingin lang sa mga ito. Kahit yata matindi na ang galit niya sa babaeng ito ay tila nararamdaman niya ng simpatya.
“Isa kang virus na sumisira sa mga taong walang ginawa kundi protektahan ang mga inosenteng mamamayan! Masyado kang ambisyosa upang yumaman kahit mula sa masamang paraan!” dalawang sipa pa ang pinakawalan ni Lady Beast. Dahilan upang mapa igik ito at nanlilisik ang mga mata.
Tumalikod si Savannah, nang makitang lumapit kay Carla ang iba pang kasamahan nila. Naririnig din niya kung paano pagmumurahin ang babae.
Samantala, sa bawat bagsak ng sipa na pinakawalan ng mga kasama. Si Savannah, ay napapapikit parang siya ang nakakaramdam ng sakit. Kaya hindi na siya nakisali pa sa mga ito. Pina
