INABOT ng dilim ang dalawa at talagang tinapos ang ikatlong round. Latang-lata si Aliya at hindi na magawang magluto.
“Gaga ka, eh. Hinamon mo ulit ang pitong taong tigang na halimaw ni Alejandro. Ayan, magdusa ka!” sermon niya sa sarili habang nagbibihis. Kaliligo lang niya sa hot shower.
Paglabas niya ng kuwarto ay sumalubong sa kaniya si Kuro. Nagugutom na malamang ito. Nagtungo siya sa laundry room at doon pinakain si Kuro.
“Aliya!” mayamaya ay tawag ni Alejandro.
“Bakit?” pasigaw din niyang tugon.
“Kunin mo ang delivery sa labas!”
Lumabas siya ng laundry room. “Nasaan ka ba?”
“I’m cooking!”
Lumabas na siya ng bahay at nagtungo sa gate. May lalaking nakamotor doon na naghihintay sa labas. Delivery boy pala ito ng isang restaurant.
“Delivery po para kay Sir Alejandro Marchetti
