“ENOUGH, Moris. We’re just having fun,” sabi ni Alejandro sa aso.
Ayaw makinig ni Moris kaya sinigawan na ito ng binata at nilapitan. Inalis nito ang buhok ni Aliya mula sa bibig ni Moris.
Dumadaing na inayos ni Aliya ang kaniyang buhok. Amoy laway na ito ng aso. Ang daming nabunot ni Moris na hibla ng kaniyang buhok kaya gigil na gigil siya rito.
“Baliw ka talaga, Moris!” singhal niya sa aso na nakaupo sa tapat niya at nakatitig.
“It’s over, Aliya. Pahinga na,” ani Alejandro. Lumapit na ito sa lamesa at nagpunas ng pawis gamit ang hinubad nitong damit.
Tumayo na rin siya at naghubad ng damit na basa ng pawis at maraming alikabok at damo. Iritang-irita siya sa kaniyang buhok na nalawayan ni Moris kaya kaagad siyang naligo gamit ang hose na konektado sa gripo. Tuloy ay nagdilig na rin
