NAKATATLONG tawag si Mr. R kay Aliya pero hindi niya sinagot. Alam kasi niya na aalamin nito ang status niya at magtatanong tungkol kay Alejandro. Hindi siya mapakali sa upuan lalo’t pansin niya na mayamaya ang sipat sa kaniya ni Alejandro.
Huminto na sila sa tapat ng veterinary clinic. Bumaba rin siya at sumama sa loob ng clinic. Nag-inquire rin siya kung magkano ang vaccine ng pusa. Pinanood niya ang dalawang aso na tinurukan ng vaccine. Bumili na rin ng vitamins at ibang gamot ng aso si Alejandro. Nakabili rin ng shampoo at vitamins para sa pusa si Aliya.
Sa tabi naman ng clinic ay may nagbebenta ng dog at cat food. Bumili siya ng maliit na sako ng cat food. Mas mahal pa ito sa kilo ng bigas pero hindi siya naghinayang gumastos. Malaking tulong din kasi sa kaniya ang pusa, pantanggal
