HABANG nalalapit ang raid operation, puspusan din ang pagsasanay ni Aliya sa pagbaril. Lalo siyang nagpursige dahil nagtitiwala na si Alejandro sa kakayahan niya. Pumayag din ito na kasama siya sa raid operation kaya ibinahagi nito sa kaniya ang plano.
Pagkatapos ng meeting ay sinamahan din siya ni Alejandro sa martial arts gym. Katatapos lang niya sa shooting range at si Russo ang assistant niya.
“Seroyosohin mo naman ang laban natin, Ale!” reklamo niya habang nagsusuot ng boxing gloves sa mga kamay.
“Kung magsiseryoso ako, mapupuruhan ka,” anito. Nagsuot na rin ito ng gloves.
“Iyon nga ang maganda para masukat ang tibay ng stamina ko. Marami na akong nakalabang lalaki sa MMA at hindi sila naawa sa akin.”
“We will not going to do the MMA. Kickboxing lang at ibang self-defense na mabi
