NAPAWI ang kirot sa puso ni Aliya nang mapansin na malinis at naayos na ang kuwarto na gagamitin niya,
“Aba! Mukhang pinaghandaan ni Alejandro ang pagdating mo, ah,” sabi ni Vladimir.
Naayos rin ang kama, halatang bagong palit ang mga sapin at unan dahil amoy fabric conditioner, walang gusot ang bed sheet na bughaw terno sa unan at comforter. May air-con pa roon pero hindi pa nabubuksan. Meron na ring closet at mga lamesa roon. May sarili ring banyo ang kuwarto kaya hindi na siya lalabas.
“Si Ale kaya ang nag-ayos nitong kuwarto?” nakangiting tanong niya.
“Of course, alangan namang mga aso niya,” pilosopong turan ni Vladimir.
Natawa na naman siya. Magaan ang pakiramdam niya kay Vladimir at tuwang-tuwa siya sa patutsada nito, mukhang magkakasundo sila nito.
“Kailan po pala ako magsisi
