SABADO ng hapon na tapos ang greenhouse ni Aliya pero hindi pa niya ito maasikaso. Nag-impake na kasi sila ng gamit na dadalhin sa Subic Bay. Nauna nang umalis sina Yoshin at Chase.
“Madaling araw tayo bibiyahe bukas, Aliya. Double check mo ang mga gamit, mga kailangan ng mga aso,” sabi ni Alejandro.
Katatapos lang nilang maghapunan at magkatuwang na naghuhugas ng mga kubyertos.
“Isasama natin si Kuro, ah? Hindi puwedeng maiwan siya rito kahit may guwardiya,” aniya.
“Of course. Magdala ka lang ng cage niya baka mawala.”
Naudlot ang excitement niya nang maisip na naman si Enel, na maaabutan niya malamang sa headquarters nila Alejandro. Kailangan niyang maunahan ang lalaki baka biglang madulas ang dila nito at maisumbong siya kay Alejandro.
Maagang natulog si Alejandro pero si Aliya ay
