TATLONG araw na pahinga ang inilaan ni Aliya para masolo si Alejandro. Muli silang gumala lulan ng helicopter na silang dalawa lang. Ito ang piloto at kabisado naman nito ang helicopter. Nakarating pa sila sa ibang lugar sa maghapong gala.
Inilapag ni Alejandro ang helicopter malapit sa lake na karugtong ng Mt. Pinatubo. Marami silang baong pagkain kaya doon na sila nag-picnic. Si Kuro lang ang naisama nila dahil magulo ang mga aso. Naglatag lang siya ng kumot sa damuhan sa may gilid ng lake at doon sila kumain ni Alejandro.
Alas-doe na ng hapon ang tanghalian nila dahil inuna ang pag-iikot. “Dati sa picture ko lang nakikita ang lugar na ‘to. Sobrang ganda pala talaga!” aniya.
Nakaupo lang sila sa kumot at nagkakamay na kumain. “It’s my first time visiting this place, too. Dinadaanan ko
