"Ronalie?!" / "Hoy Ronalie?!" Yugyog na nina Baklang Benjie at Jeff sa magkabilang balikat ni Ronalie dahil natulala na ang dalaga at parang wala sa sarili.
"Raro tayo?!" tapos ay paulit-ulit na sinasabi pa nito. "Ano bang nangyayari sa'yo?!" Gusto nang mag-iiyak ni Baklang Benjie. Hindi kasi nila alam kung ano'ng nangyayari na sa kaibigan nila.
Tinabig ito ni Jeff at ang binata ang pumilit naman na pabalikin sa sarili si Ronalie. "Ronalie! Hoy, Ronalie! Ano man ang nangyayari sa'yo, labanan mo! Ronalie!" Tinapik-tapik nito ang pisngi ng dalaga.
Nga lang ay nakatulala pa rin si Ronalie.
Ang hindi nila alam ay parang may isang pwersa ang humigop kay Ronalie sa isang hindi niya kilalang lugar. Lugar na puros naglalakihang damo ang makikita at napakadilim. Tanging ang liwanag ng buwan
