"Huh?!" Napabalikwas ng bangon si Ronalie. Nagising na lang kasi siya bigla dahil parang may naramdaman siyang kakaiba. Parang may nakatitig sa kanya na hindi niya mawari. Ang tindi ng kaba ng dibdib niya, pero nang tingnan niya ang paligid-ligid niya ay wala namang tao.
Nakahinga siya ng maluwag. Pinunasan niya ang butlig-butlig na pawis sa kanyang noo. Siguro ay nanaginip siya ng masama ta's hindi niya lang maalala.
At dahil parang nanuyo ang lalamunan niya ay bumangon siya. Iinom siya ng tubig.
Tiningnan niya muna sina Jeff at Baklang Benjie na mga tulog sa sahig bago siya lumabas ng silid. Maingat niyang sinira ang pinto. Hindi na niya mga ito gagambalain, iinom lang naman siya ng tubig. Subalit anong gulat niya nang may biglang humawak sa isang balikat niya. Natigilan siya at nan
