Point of view
- Mikaela Sandoval -
Hindi mapakali ang aking isip habang tinitingnang mabuti ang litrato na aking kinuha sa cell phone. Hindi ako maaaring magkamali, si Lenard ang lalaking ito. Ngunit iba ang dating ng kanyang awra. Tila may nagbago sa kanya.
Nang gabing iyon, matapos ang aking trabaho sa opisina, mabilis akong nagpalit ng kasuotan. Naglagay ako ng mask at hooded jacket upang wala ng makakilala sa akin. Sinabihan ko na rin si Patty na mauna na siyang umuwi dahil may daraanan lang ako. Hindi ko na sinabi ang aking mga dahilan dahil alam kong baka pigilan niya lang ako.
Wala naman akong nais gawin, gusto ko lang makasigurado sa aking nakita. Pakiramdam ko, hindi matatahimik ang aking isip kung hindi ko makokompirma at hindi ko makikita ang kanyang mukha.
"Ingat po sa pag
