Point of view
- Mikaela Sandoval -
Marahan kong minulat ang mabigat na talukap ng aking mga mata, sumilay na lang ang ngiti sa aking mga labi nang bumalik sa aking isip ang matamis na alaala na nangyari kagabi.
Sa marahan kong paggalaw, mariin akong napapikit nang maramdaman ang pagkirot ng maselang bahagi ng aking katawan. At alam ko ang dahilan kung bakit.
Masakit man ang bagay na ito, hinding hindi ko naman pagsisisihan ang desisyong ginawa ko. Masaya ako dahil dito. Masaya ako dahil sinuko ko ang aking sarili sa taong mahal ko.
Kahit masakit, pilit pa rin akong umupo at sinandal ang aking likod sa headboard ng kama, saka marahang sinilip ang ilalim ng kumot na tumatakip sa aking katawan.
May tamis ang ngiting sumilay sa aking mga labi na animoy kinikilig sa aking namasdan. Wala a
