HARPER
KINABUKASAN ay maaga muli akong naghanda sa pagpasok sa opisina. Matapos kong maligo at mag-ayos ay dumiretso na ako sa kusina upang mag-almusal.
Naabutan ko si Uncle Greyson na nakaupo sa mahabang lamesa habang sumisimsim ng mainit na kape.
"Good morning," bati nito sa akin nang maramdaman niya ang aking pagdating.
"Good morning," ganting bati ko. Umupo ako sa bakanteng upuan sa may bandang kanan nito.
"Good morning, Harper. Mabuti at gising ka na rin pala. Sabay kayong makakapag-almusal nitong uncle mo," turan ni Manang Guada matapos nitong pumasok mula sa dirty kitchen.
"Narito na po pala kayo, Manang. Anong oras po kayo nakauwi?" tanong ko.
"Kaninang madaling araw lang kami dumating. Mabuti na nga lang din at maaga ang nakuha naming flight pauwi. Nasabi kasi sa akin nit
